17. Okt

Vísindaferð til Dale Carnegie!!

Birt þann 17. Okt. 2018 - Elísabet Huld Þorbergsdóttir

Seinni vísindaferð þessa vikuna verður á föstudaginn kl. 18:00 og er til Dale Carnegie, og við erum sjúklega spennt fyrir henni!!

Dale Carnegie námskeiðin eru ótrúlega vinsæl hjá öllum aldurshópum og því ættu þau að geta kennt okkur eitt og annað um samskipti og annað! Eins og að venju verða léttar veitingar í boði en þessi vísó er edrú-vísó!

Við erum með heil 28 sæti í Ármúla 11, þannig það er nóg pláss fyrir alla!

17. Okt

Vísindaferð til UN Women!

Birt þann 17. Okt. 2018 - Elísabet Huld Þorbergsdóttir

Enn og aftur eru tvær vísindaferðir þessa vikuna. Að þessu sinni er sú fyrri á fimmtudaginn næstkomandi hjá UN Women!

Hún hefst fremur snemma,kl. 15:.00, en vonandi sjá sér flestir fært að mæta á Laugaveg 176 og fræðast með okkur!

Við erum með ansi fá sæti, en einungis 13 eru í boði, svo þið sem ætlið að mæta þurfið að vera fljót að skrá ykkur!

10. Okt

Vísó í Q - Félag Hinsegin Stúdenta!

Birt þann 10. Okt. 2018 - Elísabet Huld Þorbergsdóttir

Vísindaferð 2/2 þessa vikuna er í Q - Félag Hinsegin Stúdenta, en ALLIR hafa gott af því að fara í þessa vísindaferð til þess að læra meira um jafnréttisbaráttu LGBTQ stúdenta og gera sér grein fyrir margbreytileika stúdenta.

Þessi bráðskemmtilega og súper fræðandi vísindaferð er á föstudaginn 12. október, og heppnin er með nýnemum þennan daginn því ferðin hefst kl 17:00, sem þýðir að ef þeir eru á góðum tíma með Skýringar á hegðun prófið sitt þá ná þeir að mæta og njóta veitinga með góðu fólki og hlaupa af sér hornin eftir annað próf þessarar annar!!

Að venju erum við með 28 sæti, fyrir 28 regnboga bossa og mæting fyrir þá er á Suðurgötu 3!

Mætið og njótið fjölbreytileikans!!

10. Okt

Vísó í Sálfræðingafélagi Íslands!

Birt þann 10. Okt. 2018 - Elísabet Huld Þorbergsdóttir

Vísindaferð 1/2 þessa vikuna er til Sálfræðingafélags Íslands, en þessi vísindaferð er tilvalin fyrir þá nema sem stefna á klíníska sálfræði og vilja læra meira um starfsemi sálfræðinga á Íslandi og einnig fyrir þá sem hafa brennandi áhuga um allt sem tengist sálfræði! Þessi ferð er fimmtudaginn (betur þekktur sem litli fössari) 11. október og hefst klukkan 14:30.

28 sæti á mjúkum og góðum sálfræðinga sófa eru í boði í þessari ferð, mmmmm kósí!

Sálfræðingafélag Íslands á sínar höfuðstöðvar Borgartúni 6 á þriðju hæð, þannig mætið þangað með öll ykkar læti!!

3. Okt

Vísó í Landsvirkjun = svaka pepp svaka gaman!!!!

Birt þann 3. Okt. 2018 - Elísabet Huld Þorbergsdóttir

Að þessu sinni er okkur boðið í eitt stykki SPENNANDI vísindaferð til Landsvirkjunnar! Þau ætla að kynna fyrir okkur starfsemi sína og sýna okkur hvernig orka býr í öllu. Á staðnum verður okkur lofað svakalegu STUÐI, og ekki má gleyma veitingunum sem við öll elskum og þráum!

Þar sem þessi vísindaferð er ekki í bænum þá verður ein RAFMÖGNUÐ rútuferð á vegum Landsvirkjunnar, svo allir mæta með símana sína fullhlaðna því þessi vísindaferð er í heildina 4 klukkutímar (sem er mega langt (og MEGA gaman) fyrir þá sem ekki vita)!!

Við erum með 28 laus sæti fyrir 28 KJARNORKU-BOSSA!

Mæting er í HÍ ekki seinna en kl. 16 því rútan fer á slaginu (nákvæmari staðsetning kemur síðar).

Sælir kælir hvað þetta verður STURLAÐ!!!!