Þingmenn voru í Kastljósi í kvöld m.a. að ræða hvort breyta ætti stjórnarskrá svo hægt væri að halda bindandi kosningar. Sér í lagi vegna hugsanlegra kosninga um aðild að Evrópusambandinu (ESB).
Sumir voru á því að bindandi kosningar væri eina leiðin og aðrir voru akkúrat á hinum pólnum.
Hins vegar er hægt að gera annað, en það mætti kalla blandaða kosningu. Þannig gæti t.d. þingið haft 50% um málið að segja og þjóðin myndi kjósa um hin 50%. Mætti segja að þjóðin hefði þá 50% "bindi-vægi". Þessi möguleiki var ekkert ræddur og verður það varla. En flestir þingmenn hljóta að sætta sig við eitthvert vægi, hvort sem það er nær 0% eða 100%. En ég myndi miklu frekar vilja sjá þetta líkan en að rífast endalaust um "allt eða ekkert"-leiðina.
Þessar pælingar leiðir okkur nú að tölfræðinni. Sumir þingmenn virðast ætla að fylgja samvisku sinni til dauða og kjósa jafnvel gegnt vilja þjóðarinnar sem gæti hnekkt niðurstöðu óbindandi þjóðaratkvæðagreiðslu. Aðrir þingmenn segjast vera nokkuð vissir um að fylgja vilja þjóðarinnar eftir og segjast ætla að kjósa eftir niðurstöðum þjóðaratkvæðagreiðslu.
Í umræðum í sjónvarpi hlaupa menn oft hratt yfir og setja fram staðhæfingar sem eru ónákvæmar, tölfræðilega séð. Látum sem svo að helmingur þingmanna (að handahófi) sé á móti inngöngu í ESB og að helmingur þingmanna (einnig að handahófi) muni fylgja eigin sannfæringu. Þá munu 50% x 50% = 25% þingmanna kjósa með ESB skv. eigin trú, og 25% þingmanna kjósa móti ESB skv. eigin trú. Hinir munu fylgja þjóðinni og hefur þjóðin þannig í raun 50% bindi-vægi á við þingið. Samt bara í plati.
Ef þjóðin hefði hinsvegar raunverulegt 50% bindi-vægi á lokaniðurstöðuna og þingmenn myndu áfram kjósa eins og ég sagði að ofan, þá myndi þjóðin ráða um 75% atkvæða og 25% væru "þrjóskuatkvæði" eigin-sannfæringa-þingmanna. Þetta gerði þinginu erfiðara fyrir um að fara gagngert móti vilja þjóðarinnar án þess þó að kosningar væru algerlega bindandi.
Ég, persónulega, myndi vel sætta mig við það. Þetta er náttúrulega mjög gróft líkan og má hnika til bæði bindi-væginu sem þjóðin væri með (mér finnst t.a.m. hvorki 0% né 100% vera gáfulegir valmöguleikar) og einnig mætti áætla nákvæmar hversu margir "eiginsannfæringaþingmenn" eru og hversu margir þingmenn eru með/á móti ESB.
Svo tók fulltrúi Sjálfstæðisflokks dæmi um að ef þjóðarniðurstaðan væri 49.9% móti 50.1% þá hefði þingið í raun allt vald til þess að gagna þvert á við vilja þjóðarinnar. Eins og það væri hræðilega illa gert! En... þingið væri þá að ganga á móti vilja 0.1% fólks í landinu. Ríflega 300 manns af 300.000. Í fyrsta lagi - ef það verður svona tæpt á mununum, þá hljóta að vera haldnar aðrar kosningar eftir meiri fræðslu/áróður. Annars fyndist mér bara að þingið ætti að útkljá þetta þegar þjóðin er svo klofin.
Nei, þetta eru nú bara léttar pælingar sem skipta minna máli. Annars vil ég fara í tvöfalda atkvæðagreiðslu. Fyrri má vera eins óbindandi og vera vill. En í seinni myndi ég vilja hafa smá bindi-vægi. Bottom-line var bara að fólk horfir oft bara á annaðhvort-eða og rífst svo um það. Í fjöööldamörgum tilfellum innan eðlisfræðinnar er raunin sú að há- eða lággildi (t.d. ávöxtunar eða skulda) er að finna milli tveggja endapunkta, og vandamálið snýst gríðarlega oft um að finna hvar útgildið liggur.
Rotið þann 2009-07-13 kl. 21:17:26 af þeim sem heitir Tómas Árni
Á forsíðu morgunblaðsins í dag (þriðjudaginn 30. júní) gefur að líta fyrirsögn fyrir heilsíðugrein á bls. 12. Fyrirsögnin er þessu:
Fjórfalt meiri umferð og margfalt meiri slysatíðniÍ samhenginu mætti ætla að "margfalt" þýddi hér tífalt eða álíka. Í það minnsta ekki minna en fjórfalt. Raunin er reyndar sú að slysatíðnin er tvöföld. Verið er að tala um samanburð á kafla Suðurlandsvegar og þeim vegspotta sem Vaðlaheiðagöng eiga að taka við af - sem ég mun kalla Norðurlandsveg í þessari færslu. Gögnin sem ég nota eru úr Morgunblaðinu og eiga við um mælingar síðustu 5 ár.
Í greininni stendur: "Samkvæmt tölum sem Umferðarstofa tók saman fyrir Morgunblaðið ...", og síðar er aftur talað um fjórfalda umferð og margfalda slysatíðni. Það má þá draga þá ályktun að Morgunblaðið hafi kallað "tvöfalt" "margfalt".
Sumir myndu kannski kalla þetta smáatriði - en þetta er nefninlega lykilatriði! Tölurnar sem við ættum að vera að skoða eru nefninlega frekar "slysatíðni á fjölda einstaklinga". Þannig fær Norðurlandsvegur tvöfalt vægi á við Suðurlandsveginn!
Einnig mætti deila upp í vegalengd umræddra vegakafla til þess að fá enn annað hættumat. Eftirfarandi tafla sýnir þannig alla útreikninga:
| Suðurlandsvegur | Norðurlandsvegur | |
| Slys á mönnum (gróft mat) | 43 | 22 |
| Meðalumferð á dag | 6.998 | 1.780 |
| Vegalengd | 10,48 km | 26.04 km |
| Slys á mann | 0.00614 | 0.0124 |
| Slys á mann á km | 0.000586 | 0.000475 |
Þannig reiknast mér (og ég er með EINA háskólagráðu!) að vegirnir séu í hæsta lagi jafn hættulegir, sé miðað við "slys á mann á km". Reyndar vantar _alla_ óvissureikninga. Ef meiri upplýsingar væru gefnar mætti reikna út hversu líkir vegirnir eru í prósentum. En það er önnur ella. Tölfræði er nánast undantekningalaust illa fram sett í öllum fjölmiðlum.
Það er svo allt annað mál hvort þetta eitt réttlæti að velja Suðurlandsvegsframkvæmdir fram yfir Vaðlaheiðagöng í tíma. Til þess þarf að bera saman kostnað og margt fleira sem ég hef ekki hugmynd um. Ein rök fyrir Suðurlandsveginn væru að hann þjónar fleira fólki. En þá má spyrja sig hvort ekki væri verið að mismuna fólki. Hvers vegna ættu þessar 1.780 sálir sem fara daglega um Norðurlandsveginn ekki að fá bættar samgöngur ef þeirra vegur er alveg jafn lélegur og sá fyrir sunnan (Fríkirkjuna).
En að greinin hafi þessar upplýsingar að meginforsendu er fáránlegt. Sér í lagi að "margfalt" sé það sama og "tvöfalt". Illa farið með tölfræði!
Svo talar maður ekki um "meiri tíðni", heldur "hærri tíðni". Fávitar.
Rotið þann 2009-06-30 kl. 18:40:11 af þeim sem heitir Tómas Árni
Fékk eitthvað komment á síðustu færslu er við kom fjölda og tegunda athugasemdara (þeir sem skrifa athugasemdir).
Iss piss, segi ég nú bara. Það er nefninlega einmitt ekki tilfellið að ég sé að há einhverja baráttu um vinsældir. Fjarri því, þá er vefill þessi ætlaður fáeinum nánum aðilum sem gætu haft gaman að því að heyra við hvað ég er að fást (þýs. Faust).
Það er reyndar talsvert um það í dag, að allir verði að vera inn, á einhvern hátt. Allir verði að eiga blogg sem vert væri að lesa, skemmtilegan Facebook prófíl, nú eða spila í einhverri hálf-leiðinlegri popphljómsveit. Ég veit ekki með ykkur, en ég sé litla von fyrir Björtustu Vonina frá Ísl. Tónlistarverðlaununum. Ekki að þeir séu lélegir. Þeir eru bara ekki góðir. Satt best að segja, þá finnst mér skemmtilegra að hlusta á hamarshögg. En jæja.. þessi færsla átti nú ekki að snúast um hinn lélega poppkúltúr á íslandi. Hvaða vit er nú annars í að hafa rosa tónlistarverðlaun í mörgum flokkum fyrir land sem er svo lítið sem okkar? Þar sem tilnefndir eru 5 af kannski, hvað, 5 sem mögulega koma til greina yfirhöfuð? Þar með getur varla talist merkilegt að fá tilnefningu þar sem samkeppnin er engin. OK, vá.. ég er virkilega bara farinn að nöldra um tónlist hérna...
Reyndar skrifa ég öðru hverju hér inn um einhver málefni er skipta mig einhverju máli - sbr. hringtorga- eða pizzufærslan. Þá myndi ég vitanlega vilja koma minni skoðun á framfæri hjá alþjóð og helst víðar. En, tjah, það má þá alveg spyrja sig hvort vefillinn sé rétt form til að reyna að breyta heiminum. Sumir reyna að nota blogg til þess. (Ég er btw. að að gera greinarmun á bloggi og vefli).
Ef maður vill breyta einhverju í heiminum - heldur fólk virkilega að ein besta leiðin sé að skrifa um það stutta (eða langa) færslu á persónulega vefdagbók? Ég held nú ekki. Best væri líkast til að fara í stærri fjölmiðla, senda bréf (eða tölvupóts) á viðeigandi aðila, eða fara á stjá í eigin persónu (í hvers perónu á maður annars að fara?) og ræða málin feis tú feis.
Well.. ég ætlaði nú ekkert að vera að nöldra. Athugasemdin - sem kom frá Tinnu Ó. - var vitanlega meira og minna í léttu glensi fram sett (eins gott Tinna, annars verð ég bjálau). Mest megnis er ég bara eitthvað að hanga hérna, af því ég nenni ekki að fara inn í rúm. Reyndar bíður þar mín ein skemmtileg sem ég ætla að eyða síðustu mínútum kvöldsins með. Það gæti nú orðið skemmtilegt.
Sú sem bíður er nefninlega bók og er eftir A.C.Doyle nokkurn...
Rotið þann 2009-02-25 kl. 00:36:08 af þeim sem heitir Tómas Árni
Sko, ekki að ég sé í sjálfu sér á móti Facebook, eins og flestir sjá það fyrir sér - sem samskipta og tengslanetatæki - heldur er ég á móti því sem gerist á bak við tjöldin. Ég ætla nú ekki að hafa þetta langt, þar sem fólk myndi ekki nenna að lesa það (tími á internetinu er nefninlega dýr, og t.d. væri honum, að margra mati, betur varið að horfa á pöndu hnerra á youtube (hlekkur) - sem er geðveikt fyndið).
Sum sé! þetta (hlekkur) er vefgrein sem hvatti mig til að rita um þetta. Þetta er löng lesning, en þó gagnlegri en að horfa á www.zombo.com. (Það er svo auðvelt að leiða fólk út í einhverja vitleysu - ég giska t.d. að þú, lesandi, hafir smellt á þessar slóðir sem ég setti inn að ofan, sem er svosem eðlilegt)
En hvað um það, þeir sem standa að baki Facebook eru milljarðamæringar sem aðhyllast slæma hugmyndafræði. Mér gæti ekki verið meira sama um facebook ef það væri rekið af simpönsum. Því þeir færu varla að reka facebook með massífa gróðastarfssemi í huga. Er í alvöru ekki hægt að sætta sig við að reka þetta með minimal gróða í huga - t.d. bara 1 milljón kr. á mánuði í stað 20 mkr. (NB: þetta eru ekki raunupphæðir). Vera má þetta séu hinir ágætustu menn með annars fína lífssýn.
Þetta er nú hálfgert nöldur í mér. Hvað get ég svosem sagt, þar sem ég sjálfur er að leggja stóra-bróður lið dags daglega. Námið mitt snýst t.a.m. beinlínis um að búa til miðlæga grunna sem hægt er að vinna upplýsingar úr. En ég geri það í góðum tilgangi (líkt og þeir sem smíðuðu fyrstu kjarnorkusprengjuna). Ég geri það í þeim tilgangi að það auðveldi okkur lífið og bæti lífsgæðin. Hins vegar er aldrei að vita nema ég selji vinnu mína óvart til óprúttinna aðila sem svífast einskis. Nú eða að ég verði sjálfur gráðugur.
Well, þetta erindi átti nú að snúast um að minna fólk á hvað Facebook er í raun að gera okkur. Hvað er nú eðlilegt við að meðal Jón eyði svona 1-2 tímum á dag (kannski ögn ýkt) á Facebook. Það er nú ekki nema (gróflega) 6-13% af tímanum sem við eyðum með augun opin dags daglega.
Sættum við okkur við 6-13%? Ég myndi ekki einusinni sætta mig við það sem hækkun á hlutabréfum (áður en "kreppan" hófst). Margir eyða minni tíma hjá fjölskyldunni en svo. Hvað varð um að rækta garðinn sinn? Á FB snýst lífið meira um samkeppni milli fólks og að selja sig sem einhvern persónuleika. Iss piss. En fólk er latt og gerir oftast það sem því er sagt. Jafnvel ég ætla ekki að hætta að nota FB strax - ég er bæði latur og er að reyna að vera kúl.
Að lokum: Ég hef nákvæmlega ekkert fyir mér um staðreyndir þessa máls annað en það sem ég les á internetinu. Og það lýgur nú aldrei :) Svo er fleira sem ég myndi vilja rita um - en það munu fáir nenna að klára að lesa þessa færslu, svo ég skrifa síðar um hvað mér finnst um frjálsan markað. Eins og það skipti miklu máli hvað maður "bloggar" um - ég myndi t.d. frekar vilja hitta ykkur 3 sem lesið þetta og tala um þetta. Kannski ég hætti að skrifa hingað inn og fari frekar að hitta fólk í persónu... Jæja, þeir eru hættir að blasta remix af Agnus Dei e. Samuel Barber (spes) niðri á 7-9-13, svo ég ætla að fara í rúmið.
Rotið þann 2008-06-13 kl. 01:19:14 af þeim sem heitir Tómas Árni
Jæja, þá er búið að sakfella ákæruaðila í DC++ málinu svokallaða (sjá hér). Fólk hefur ýmsar skoðanir á þessu og líkti einn þessu við það að ákæra vegagerðina fyrir að einhver misnotaði vegakerfið.
Þetta dreifikerfi, DC++, snýst um að gefa fólki færi á að deila gögnum sín á milli með því að beina gögnum beint milli IP-talna þeirra - án viðkomu á sérstakan skráaþjón. Það er í raun það sem P2P stendur fyrir: Peer-to-peer. Þetta er mjög góð hugmynd, þar sem fólk tekur sjálft að sér að geyma gögn og gefur þetta möguleika á að hala niður á mun meiri hraða en ef um miðlæga gagnageymslu er að ræða.
En umrædd gögn (höfundarréttarvarin) voru sem sagt aldrei í höndum eigenda DC++, heldur aðeins upplýsingar um hvar ákveðin gögn má nálgast. Það er líkt og að ákæra símaskrána fyrir það að fólk hringi sín á milli og segi frá leyndarmálum. Nei það er ekki rétt hjá mér. Það væri líkt og ef símaskráin myndi birta símanúmer, óumbeðin. Æj.. það er eflaust til myndlíking sem meikar meiri sens.
Það sem ákæruvaldið hefði átt að ákæra var í raun íslenska þjóðin. Það hefði þurft að leita að IP-tölum úr gagnagrunni DC++ og lögsækja viðkomandi aðila, ef hægt væri að færa sönnur fyrir að þeir væru að gefa frá sér höfundavarið efni.
En vitanlega mun það ekki ganga upp. Það er óvíst að DC++ haldi utan um þessi gögn og óvíst að dómari taki IP tölurnar gildar, þar sem margar tölvur geta verið undir sömu IP tölunni. Því mun þessi aðferð aldrei koma til með að ganga upp meðan fólk á sér ekki sér IP-tölur, og eða netsamskipti væru tekin upp og notaðir væru einkalyklar til staðfestingar.
En það er náttúrulega mjög stórt skref til stóra bróður.
Niðurstaða: Það verður aldrei hægt að verjast ólöglegri dreifingu gagna án þess að grípa til stóra bróðurs. End of story
Rotið þann 2008-03-03 kl. 17:27:58 af þeim sem heitir Tómas Árni
(Fleiri gegt skemmtilegar færslur... :p )
Hef svosem ekkert fyrir mér í þessum málum, en ég efast um að margir ríkisstarfsmenn (nú eða starfsmenn hjá stórum fyrirtækjum, OR, Landsvirkjun, Baugur etc.) notfæri sér undirskriftir á tölvupóstinn sinn.
En svona í kjölfar (mörgum árum síðar) þessa blessaða Baugsmáls, og kaupa og sölu á hvaða fjanda sem er (REI, Landsvirkjun etc.), þá væri nú ekki úr vegi að tryggja einn helsta samskiptamáta sem notaður er við slík tækifæri. Til að mynda beita rafrænum undirskriftum, eða rafrænni dulkóðun - einhvers konar auðkenni.
Rotið þann 2007-12-11 kl. 00:49:10 af þeim sem heitir Tómas Árni
Ég leitaði að orðinu "hringtorg" í leitarvél Google, vegna þess að ég vildi forvitnast hverjar væru nú eiginlega hárréttar reglur varðandi notkun þeirra hér á landi. Mismunandi reglur hef ég heyrt og er um að gera að leysa upp allan misskilning.
Einungis er um að ræða tveggja akgreina hringtorg og í öllum tilvikum hefur innri hringur forgang á ytri. Staðalumhverfið er fjögurra útganga hringtorg, en reglur mætti útvíkka í flestum tilvikum.
Eftirfarandi reglur kannast ég við:
Rotið þann 2007-12-05 kl. 01:57:47 af þeim sem heitir Tómas Árni